Greinina sem kallast á íslensku, Pólitískir klofningsásar, tengsl kjósenda og stjórnmálaflokka og áhrif félags- og efnahagslegrar stöðu á kosningahegðun á Íslandi frá 1983 til 2016/17 má finna á vefsíðu tímaritsins Stjórnmál & stjórnsýsla.
Guðbjörg Linda Rafnsdóttir ræddi við Lestina á Rás1 um niðurstöður greinar sinnar og Þorgerðar Einarsdóttur og Thamar M. Heijstra sem var birt í sérheftinu um vald og lýðræði núna í lok maí.
Grein þeirra sem kallast á íslensku, Pólitík margbreytileikans: Félagslegt og pólitískt aðgengi innflytjenda á Íslandi, má finna hér.
Viðtalið við Guðbjörgu Lindu hefst þegar 18:50 mínútur eru liðnar.
Vefútgáfa Morgunblaðsins hefur birt viðtal við Valgerði Jóhannsdóttur sem tekið var um helgina. Þar fer Valgerður yfir efnistök greinar sinnar og Jóns Gunnars Ólafssonar sem ber heitið Íslenskir fréttamiðlar á tímum umróts og breytinga eða „the Icelandic news media in times of crisis and change“. Viðtal mbl við Valgerði má finna hér og grein þeirra Valgerðar og Jóns Gunnars er á vef tímaritsins Stjórnmál & stjórnsýsla.
Valds- og lýðræðisrannsókn Félagsvísindasviðs hefur staðið yfir undanfarin fjögur ár. Fjöldi greina tengdar rannsóknarverkefninu hafa nú þegar verið birtar.
Nú sér fyrir lokin á rannsóknarverkefninu. Í tilefni þess mun tímaritið Stjórnmál & stjórnsýsla gefa út sérhefti á vormánuðum með niðurstöðum úr ákveðnum þáttum verkefnisins. Höfundar greinanna í sérheftinu tóku þátt í vinnustofu 13. október síðastliðinn þar sem þeir gerðu grein fyrir stöðu rannsókna sinna og kynntu drög að greinum sínum.
Guðmundur Heiðar, Gunnar Helgi, Baldur og Eva Marín
Guðmundur Heiðar Frímannsson, prófessor við Háskólann á Akureyri var fundarstjóri á vinnustofunni, en hann er einnig ritstjóri sérheftisins. Eftirtalnir höfundar kynntu drög að greinum sínum á vinnustofunni:
Í 2. tölublaði 12. árgangs veftímaritsins Stjórnmál og stjórnsýsla, sem út kom 19. desember 2016, birtust nokkrar greinar sem unnar voru í tengslum við rannsóknarverkefni Valds- og lýðræðisrannsóknarinnar. Í tilefni útgáfunnar hélt Eva Heiða Önnudóttir, nýdoktor við Stjórnmálafræðideild, erindi þar sem hún kynnti grein sína „The ‘Pots and Pans’ protests and requirements for responsiveness of the authorities“. Greinin fjallar um undir hvaða kringumstæðum það er réttlætanlegt að stjórnvöld taki tillit til krafna mótmælenda, og hvort að þær kringumstæður eigi við um Búsáhaldabyltinguna. Sama dag mætti hún einnig í Samfélagið á Rás 1 til að ræða þetta efni.
Hér má hlusta á viðtalið við Evu Heiðu í Sarpinum hjá RÚV, en það hefst eftir að 30 mínútur eru liðnar af þættinum.
Sigurður G. Hafstað og Jóhanna Gunnlaugsdóttir áttu í sama hefti tímaritsins greinina „Hagnýting persónuupplýsinga á Facebook hjá eftirlitsstofnunum“. Fjallað var um greinina og viðtal tekið við Sigurð í Speglinum hjá RÚV þann 21. desember.
Hér má hlusta á Spegilinn í Sarpi RÚV. Umfjöllunin og viðtalið við Sigurð hefst um mínútu 17:22 og smella má á klippu umfjöllunarinnar í yfirliti þáttarins.
3. maí 2016, kl. 16:00 – 17:30, í stofu 206 í Odda
Að lokninni dagskrá verður boðið upp á léttar veitingar.
Frekari upplýsingar hjá Sjöfn: 698 9683/525 5454 og sjofn@hi.is
17. febrúar 2016, kl. 16:00 – 18:00 í stofu 101 í Árnagarði
Að lokninni dagskrá verður boðið upp á léttar veitingar.
Nánari upplýsingar hjá Stofnun stjórnsýslufræða og stjórnmála í síma 525 5454 eða sjofn@hi.is
Gunnar Helgi Kristinsson, prófessor við Stjórnmálafræðideild Háskóla Íslands hélt erindi á hádegisfundi 15. janúar 2016 sem skipulagður var af Stofnun stjórnsýslufræða og stjórnmála og Félagi stjórnmálafræðinga. Fundurinn bar heitið „Spilling á Íslandi: Hagsmunaárekstrar, fyrirgreiðsla og spilling“. Á fundinum töluðu Gunnar Helgi og Þórunn Sveinbjarnardóttir, formaður BHM, um spillingu á Íslandi og meðal annars velta upp spurningum um hvað felst í spillingu og hvað við vitum um spillingu á Íslandi. Erindi Gunnars Helga bar titillinn „Hvað vitum við um spillingu á Íslandi“ og erindi Þórunnar ber yfirskriftina „Hreinar línur?“. Erindi Gunnars Helga er byggt á rannsókn hans um viðhorf til spillingar á Íslandi sem er hluti af rannsóknarverkefninu Vald og lýðræði.
Fjallað var um rannsóknina í kvöldfréttum Rúv 15. janúar 2016. Fréttin hefst 13.40.
Hulda Þórisdóttir og Eva Heiða Önnudóttir birtu grein sína “Need for security and system fairness on the political extremes” í hausthefti 11. árgangs tímaritsins Stjórnmál og stjórnsýsla sem kom út 17 desember sl.. Rannsókn Huldu og Evu Heiðu er hluti af Valds- og lýðræðisrannsókninni, þverfræðilegu rannsóknarverkefni innan Félagsvísindasviðs Háskóla Íslands þar sem athyglinni er beint að megingerendum í valds- og lýðræðiskerfum íslensks samfélags.
Niðurstöður rannsóknarinnar sýna að íslenskir kjósendur sem hafa allháa öryggisþörf og staðsetja sig lengst til vinstri og hægri í pólitík eru líklegri heldur en aðrir til þess að telja stjórnmálakerfið sanngjarnt. Í rannsókninni, sem byggist á íslenskum gögnum úr European Social Survey, er metið hvort fólk á öndverðum meiði í pólitík deili þessum tilteknu sálfræðilegu þáttum. „Niðurstöðurnar sýna að íslenskir kjósendur sem hafa allháa öryggisþörf og staðsetja sig lengst til vinstri og hægri í pólitík eru líklegri til þess að telja stjórnmálakerfið sanngjarnt heldur en aðrir. Raunar var einnig nauðsynlegt skilyrði að þessir kjósendur væru ekki afhuga kerfinu með öllu, t.d. anarkistar, heldur hefðu lágmarks pólitískt traust,“ útskýrir Hulda í samtali við hi.is. Hún bætir við að ástæðan sé rakin til þess að fólk á pólitísku jöðrunum hafi að jafnaði meiri þörf fyrir öryggi en aðrir og af þeim sökum hafi það jafnvel enn sterkari sálfræðilegan hvata en ella til þess að sjá sanngirni í kerfinu.
Hér má sjá umfjöllun fjölmiðla og annarra um rannsókn Huldu Þórisdóttur og Evu Heiðu Önnudóttur:
http://www.hi.is/frettir/andstaedingar_sammala_um_sanngirni_stjornmalakerfisins
http://www.ruv.is/sarpurinn/klippa/hulda-thorisdottir-og-ottapolitik
Heimild texta:
http://www.hi.is/frettir/andstaedingar_sammala_um_sanngirni_stjornmalakerfisins
Björg Thorarensen, prófessor við Lagadeild HÍ og Stefaníu Óskarsdóttur, dósents við Stjórnmálafræðideild birtu grein sína um stjórnskipulega stöðu forseta Íslands í hausthefti tímaritsins Stjórnmál og stjórnsýsla (2. tbl. 11. árg) og ber yfirskriftina: “Gæslumaður Alþingis: Breytt valdastaða forseta Íslands”.Rannsókn Bjargar og Stefaníu á stjórnskipulegri stöðu forsetaembættisins er hluti af Valds- og lýðræðisrannsóknarverkefni Félagsvísindasviðs HÍ (2014-2017).
Björg Thorarensen, prófessor við Lagadeild HÍ, ræddi um grein hennar og Stefaníu Óskarsdóttur, dósents við Stjórnmálafræðideild, um stjórnskipulega stöðu forseta Íslands í Speglinum á RÚV 17. desember 2015.
